Kirkeby pillugu saqqummersitsilerput

Qallunaaq eqqumiitsuliortoq, Per Kirkeby, maani Nunatsinni aamma ilisarisimaneqartoq, nunanit allamiunit aamma alapernaaserfigineqarluartalerpoq. Nunanit tamanillu soqutiginninneq annertuseriarmat, Aarhusimi Aros Kunstmuseum-imi Kirkeby-p qalipagaaterpassuanik katersaateqarfiusumi saqqummersitseqqittoqarmat, ussattunnguaqalerpoq.

Allattoq Carla Davidsen

decembarip 16-at 2012 13:11

Kirkebyp qalipagaatai Arosimiittut kusanarnersiukkat Athenimi, Bruxellesimi, Duisburgimi Washingtonimilu ukioq-manna atukkiunneqarsimapput.

Kirkebyp qalipagaanik Arosimi saqqummersitsitsineq arfininngornermi Kirkebyp 60-ikkunni qalipagai, pop-art-inik taagorneqartut, saniatigut kingusinnerusukkut qalipagarsuinik akoorlugit ullumi saqqummersinneqassapput. Aamma Arosimi init saqqummersitsisarfiit ilaat ataaseq Kirkebyp Nunatsinni qalipagarisimasaannaviinik imaqarumaartoq nalunaarutigineqarpoq.

Per Kirkeby ujarassiuutut ilinniarsimasuuvoq, nunatsinnullu tunngatillugu Qullissat 1972-imi matusaanera pillugu filmiliami "Pisortaq oqarput tassagooq"-mi filmilioqataasimanerata saniatigut Aasianni katersortarfiup eqqumiitsuliaanik qalipaasimanera tusaamasaassutigalugu.

Kirkebyp qalipagaanik saqqummersitsitsineq kingulleq katersugaasivimmi Ordrupgaardimi ingerlanneqarmat "Fra mit hemmelige reservoir" kalaallisut "Isertugaasivinniittut"-nik nutsersinnaasarput, saqqummersinneqarmat Kirkebyp nunatsinnit pinngortitarsuanillu sunnigaasimanera pillugu saqqummersitsitsineruvoq.

Kirkeby pillugu saqqummersitsilerput

Aamma atuaruk