Europami Socialdemokratit suliniaqatigiiffiat USA-mut kissaateqarpoq, qaartartunut illersuusiaq suliaralugu aallartinngikkallassagaa. Europami Socialdemokratit isumaqarput, USA-p nunat europamiittut isumaqatiginiaqqaartariaqaraat.
- Qaartartunut illersuusiaq pillugu isumaqatigiinniaqqaartariaqarpugut, europami Socialdemokratit siulittaasuat Poul Nyrup Rasmussen DR-imut taama oqarpoq.
Tyskland-imi Socialdemokratit siulittaasuat Kurt Beck isumaqarpoq qaartartunut illersuusiaq USA-mit pilersaarutigineqartoq europamiunit amerlanerusunit akerlerineqartoq. Qaartartunullu illersuusiaqaallartinneqarpat qaartartorsuaateqarneqqusaattoqaqqilissasoq, europamit annilaanngatigineqarpoq.
Ungasinngitsukkut Polen aamma Tjekkiet aalajangissapput, qaartartorsuarnut aallartitsivissanik radarinillu nunaminni ilisissanerlutik.