Kinguaattoortoqartillugu 3.000 koruuninik tuppallersaasisoqarsinnaalerpoq
Københavnimit Kangerlussuarmut 3.389 kilumiiterinik isorartussuseqarpoq,
aqqummilu kinguaattoortoqartillugu ilaasut 3.000 koruuninik tuppallersaatisinneqartalissapput, EU-p eqqartuussivia taama aalajangiivoq.
Tuppallersaatisisinnaaneq aatsaat pisinnaavoq pinngitsoorneqarsinnaasumik kinguaattoortoqarsimatillugu, tamannalu Nunatsinni EU-milu nunat akornanni atuuppoq.
- Silarlutsillugu allatigulluunniit pissuteqartumik kinguaattoortoqartullugu tuppallersaatisisoqarsinnaanngilaq, timmisartunillu aserfallattaalernerni ajoqutaasinnaasut paasineqarsinnaagaluartut arajutsineqarsimatillugit timmisartorlu kinguaattoortinneqarpat ilaasunut tuppallersaatisisoqartitsisoqartassaaq, Air Greenlandimi qullersaqarfimmi sulisoq, Christian Keldsen oqarpoq.
Pinngitsoorneqarsinnaasumik kinguaattoortoqartillugu Kastrupimit Kangerlussuarmut ilaasunut tuppallersaatissiisoqarsinnaavoq, SAS-lu EU-miimmat piumasaqarfigineqarsinnaasoq, Christian Keldsen oqarpoq.
Timmisartortitsileqatigiiffiit akikitsunik timmisartuussisartut annerpaamik eqqungaanissaat naatsorsuutigineqarpoq.
Assersuutigalugu Air Greenlandi pinngitsoorneqarsinnaasumik kinguaattuussagaluarpat ilaasullu 245-t tamarmik 3.000 koruuninik tuppallersaaserneqarpata tamanna 750.000 koruuninik timmisartortitseqatigiiffimmut aningaasartuutaassaaq.