Kinguaassiutitigut atornerluineq akiorniarlugu suliniutit Canadap ilinniarfigerusukkai

Canadami nuna tamakkerlugu inuit kattuffiata - Inuit Tapiriit Kanatami - ullumi ataatsimeersuarnissaani
Nunatsinni Isumaginninnermut Aqutsisoqarfik aamma Inersimasunik meeraanerminni kinguaassiutitigut atornerlunneqarsimallutik kingunerlutsitsisunik katsorsaallutik angalaqatigiittartut saqqummiiartoqqullugit qaaqquneqarput.

Naalakkersuisut nittartakkaminni taama allaaserisaqarput. 

AAMMA ATUARUK Killiliisap kinguaassiutitigut atornerluisarnerit unitsissagai

Canadami naggueqatigiinnut inunnut 60.000-isunut suliniuteqarnissamut Inuit Tapiriit Kanatami kinguaassiutitigut atornerluineq akiorniarlugu namminneq periusissioqqammerput, kinguaassiutitigullu atornerluisarneq isumaginninnikkullu unamminartunik allanik Nunatsinni aamma atuuttunut assingusunik atugaqartunut siunnerfeqartussamik ineriartortitsinialeruttorput.

AAMMA ATUARUK Angalaqatigiit atornerlugaasimasunik 500-nik katsorsaasut

Taamaattumik Isumaginninnermi Aqutsisoqarfik ataatsimeersuarnermi Killiliisa pillugu ineriartortitsineq, saqqummiussineq, atuutsitsilernerlu pillugit saqqummiissaaq.

- Nunat allat kinguaassiutitigut atornerluineq akiorniarlugu suliaqarnitsinnik isumassarsitissinnaagatsigit assut tanngassimaarutigaarput.  Tamatuma takutippaa kinguaassiutitigut atornerluineq akiorniarlugu suliaqarnitsinni pingaaruteqarluinnartunik suliniuteqartugut, Peqqinnissamut Naalakkersuisoq Martha Abelsen oqarpoq.

Canadami Ottawami marlunngornermi novembarip 20-annit 21-t ilanngullugu ataatsimeersuartoqassaaq.