Kinguaassiutitigit atornerluisarneq akiorniarneqarlugu periusissiaq nutaaq

Nunatsinni kinguaassiutitigut atornerluisoqartarunnaassaaq. Nunatsinni ajornartorsiuterujussuup qanoq akiorneqarsinnaaneranik pilersaarut Naalakkersuisut ullumi saqqummiutissavaat.

Naalakkersuisut periusissiaat "Killiliisa" Isumaginninnermut Inatsisinillu Atuutsitsinermut Naalakkersuisup Anthon Frederiksenip Katuami ualeru saqqummiutissavaa.

Isumaginninnermik Aqutsisoqarfimmi Killiliisami ataqatigiissaarisup ullumi nalunaaqutaq tallimap qeqqanut suut saqqummiunneqassanersut naatsumik ima nassuiaatigai.

- Kinguaassiutitigut atornerluisarneq akiorniarlugu periusissiaq 2018-imit 2022-mut suliniutigineqartussaq saqqummiupparput. Kinguaassiutitigut atornerluisarnerit ikilisinnissaat siunertaraarput. Eqqugaasimasunut qanigisaasunullu attuumassuteqartullumi allat pitsaanerusumik ikorfartorneqartarnissaat ikiorserneqartarnissaallu aamma suliniutigalutigit, Ditte Enemark Sølbeck oqarpoq.

Periusissisaq Nuummi Katuap ineeraani saqqummiunneqarpat Naalakkersuisoq Anthon Frederiksen Gukki Nukalu oqalugiartunut ilaassapput erinarsortartorlu Katsi Kleist nammineq erinniaminik nipilersorlunilu aliikkusersuissaaq.

- Paquminartut kipitinnerisigut ilorraap tungaanut allannguinissamut aqqutissiuussinertut una aallarniutaassaaq, kikkut tamarmik peqataaffigisaat aamma tusarfiussalluni tamattaalluta pitsaanerpaamik aaqqiinissamut ujartuiffissarput, Anthon Frederiksen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat