Kingornutassatut eriagisat oqaluuseraat
- Ataatsimiinnermi nunarsuarmi kinguaariit kingornutassaattut eriagisat allattuiffiat sammineqarpoq. Ataqatigiissaarisoq Kirsten Strandgaard Radioavisimut oqaluttuarpoq.
Ataatsimiinnermi suut suliarineqarnersut, suullu suliamut atatillugu ajornartorsiutaasinnaasut, eqqartorneqassapput.
- Peqataasussat misigisaqarnissaannut tunngatillugu Ilulissat kommuneaniit takornariartillugit angalaarutissavagut, Ilulissat kangerluanut pisutsillugit takornariartissallugit, oqaluttuullugillu Ilulissat kangerluata kulturikkut, takornariaqarnikkut, pinngortitamullu pingaarutaanik, qanorlu aqunnerlutigu nassuiaatigissallugu.
-Nunarsuarmi silap kiatsikkiartornerata Nunani Avannarlerni
nunarsuarmi kinguaariit kingornutassaattut eriagisaasut sunniutai, ilanngullugit eqqartorneqassapput.
- Maanngaanniillu kissaatiginerpaavarput, ataatsimeeqatissatta Ilulissat kangerluat eriagisarialittut allattorsimaffimmi ilaalereersoq qimerloorluassagaat, siunissamilu suliariumaakkatsinnut siunnersorluta, pingaartumik islandimiuniit, Scandinaviallu Avannarpasinnerusortaaneersut, Kalaallit Nunaata silaannaata pissusaannut assingunerulaartuneersut ilisimariigaannik immersorneqarnissarput kissaatigisorujussuarput, Kirsten Strandgard naggasiivoq.
