Kingornussatut nappaatinik ilisimatusarnermit
Inunnguuserisannik kingornuttakkamik kræfteqarpunga, aanaarsinnartut nappaataannik imaluunniit puaat ipiutaasartaatigut imeruanittoornermik nappaateqarpunga?
Inuit amerlasuut meerartaartinnatik imminut tamakkuninnga aperisarput. Maannami ukiualunnguit matuma siornagut pissutsinut naleqqiullugu akissutissarsinissaq periarfissarissaarneroqaaq.
Nakorsat maanna kingornussisaatit 2000-init amerlanerusut misissuiffigisinnaavaat.
- Inummut allamut nappaammik tunniussisimalluni paasillugu allaanngilaq kiinnakkut isanneqarneq, taama oqarpoq anaanaq marlunnik ukiulimmik puaat ipiutaasaatigut imeruanittoornermik nappaatilimmik ernilik oqarpoq.
- Inunngortinnagu kingornussisaatitigut misissuinikkut pinngitsoortissinnaasimasuugukku tamanna toqqarsimassagaluarpara, anaanaasoq oqarpoq.
Nappaatit kingornunneqarsinnaasut maanna tamakkeqqajarnagit misissuiffigineqarsinnaapput, kisianni ukiualunnguit matuma siornatigumut sanilliullugu nappaatit kingornuttakkat misissuiffigineqarsinnaasut amerleriarsimaqaat. Taama oqaluttuarpoq ilisimatooq Rigshospitalimi atorfilik Flemming Skovby.
- Nappaatit kingornuttakkat maanna misissuiffigisinnaalikkavut 2000-it missaanniipput, taakkua ukiut qulit matuma siornatigumut sanilliullugu amerlanerujussuupput.
Aamma inuit kingornuttakkatigut misissorneqartartut amerliartuinnarput, taamaattorli kingornuttakkamik arlaannik nappaateqarsorigaanni misissortiinnartoqarsinnaanngilaq.
Misissortinniaraanni ilaqutariittut pasitsaassimasariaqarpoq, taamaalilluni kingornuttakkatut nappaat paasiuminarnerussammat.
Kingornuttakkatut nappaatit misissuiffigineqarsinnaasut ilaat tassaavoq pualluut puaat ipiutaasaatigut imeruanittoornermik nappaat. Nappaat angajoqqaat marluullutik kingornuttakkatut pigereerpassuk, meeqqap kingornussinissaa 25 procentimik ilimanaateqarsinnaavoq. Soorlu angajoqqaat tamarmik pualluummik kingornuttakkamik peqartut ilisimaneqarpat, taava anaanaasup naartuata misissuiffigineqarnissaa neqeroorutigineqarsinnaavoq, Flemming Skovby oqarpoq.
