Kinap USA Taiwanimik niueqateqarniarunnaaqqugaa

Kinap nunanut allanut tunngasunut ministereqarfiata USA Taiwanimik niueqateqarniarunnaaqquaa.

- Naalagaaffitta ilaa illersorniarlugu aalajangilertorniarpugut. USA eqqortumik aalajangissasoq inassutigaarput.   

Kina USA Taiwanimik niueqateqalersaarneranut tunngatillugu taama nalunaarpoq. 

AAMMA ATUARUK Pelosip assuarineqartumik Taiwanimiinnermini nunami tassani præsidenti oqalugiarfigigaa

Kina Taiwanimut kimigiiseraluttuinnarmat, Taiwan USA-lu niuernermik siusinnerpaamik ukiaru isumaqatigiinnialissallutik ullumi sisamanngornermi nalunaarutigaat.

USA Taiwanilu niuernikkut isumaqatigiinnialersaarnerat assigiinngitsorpaalunnut soorlu nunalerinermut, qarasaasiaqarnermut taavalu niueqatigiinnermi ajornartorsiutinik aaqqiinermut tunngapput.

Taiwan Kinap ilaatut Kinamit isigineqarpoq, naak nunat taakkua 1949-mili immukkut naalakkersuisoqaraluartut.