Kinap Indiallu killeqarfiani aqqiagiinnginnerit sakkortuseriartut

Kinap Indillu aaqqiagiinnginnerat ajorsiartoqqippoq. Himalayap killeqarfiani sakkutuut indiameersut 20-t juunip qaammataani toqutaanerisa kingorna tamanna allartippoq.

Nunat taakku aallartitaat naaperiuteqarlutik isumaqatiginninniuteqareeraluarput, maannali akersuuteqqittoqarsinnaanera aarlerinarseqqippoq.

Sakkutuut indiameersut killeqarfik qaangerlugu Kinamut isersimasut Kinap sakkutooqarfianeersut paasissutissiipput.

- Ajortussarsiorneruvoq killeqarfimmi aporaattoqarneranik kinguneqartoq. Kinap sakkutuui assingusumik iliuuseqassallutik maanna piareersaleruttorput, Kinap Befrielseshæria taama nalunaaruteqarpoq.

AAMMA ATUARUK Kina Indialu killeqarfik pillugu akersuunnerulersimanissaat qaammataasiamit assilisani ersertoq

"Kinap killeqarfiata ataqqinassusaanut sakkortuumik kanngunarsaanerusoq" kinamiut sakkutuuisa India taama nalilerpaat.

Indiami killeqarfiup qanittuani mittarfiliortoqarluni aqqusinniortoqarnera Himalayap killeqarfiani aporaannermik kinguneqarpoq.

Kinap suliniutaanut "Siilikip aqqutaa nutaaq"-mik taaguutilimmut unammillernerup kinguneranik taama pisoqarpoq.

Europamut niueqateqarnerup aallarteqqinnissaa siunertaralugu qimuttuitsut aqqutaat, aqquserngit angallaviillu allat Kinap aningaasarpassuarnik aningaasaliiffigaa.

Kinap Indiallu akornanni aaqqiagiinnginneq qangalili pivoq, qaammalli kingulleq sakkortuseriarluni.