Kinamiut nalunaarusiamut isornartorsiupput
Taama Politiken.dk allaaserisaqarpoq.
Nalunaarusiap ilaatigut allaaseraa, Sudanip immikkoortuata ilaani Dafurimi, Naalagaaffiit Peqatigiit sakkutuuinut akersuunnermi Kinamiut aallaasinut imassiliaat atorneqarsimasut. Nalunaarusiaq kukkunernik ulikkaartoq aammalu nalunaarusiami oqaatsit atorneqartut erseqqarissuunngitsut Kinami naalakkersuisut isumaqarput.
Kinamiut aallartitaat, Zhao Baogang ippassaq oqaaseqarnermini ilanngullugu oqaatigaa, Kinami naalakkersuisut nalunaarusiaq akerlereqigaat aammalu "paasissutissanik uppernarsaatinik" amigaateqartoq, aammalu ilanngullugu oqaatigalugu Naalagaaffiit Peqatigiit paasiniaariaatsititik pitsanngorsartariaqaraat.
Nunat killiit aamma inuit pisinnaatitaaffiinik suliniutillit ilisimaneqareersutut Kina qangali isornartorsiortareerpaat, Sudanimi illoqarfittut pingaanersaannut, Khartoumsimut sakkunik tuniniaasarnera pillugu.
Sudanimut aallaasit imassaannik Kinamiut tuniniaasinnaatitaasut BBC-imit oqaatigineqarpoq, Darfurimi aaqqiagiinnginnermi atorneqanngippata.
