Kinamiut amerliartortuarsinnarput
Kiinamiut 60-inik taakkulu sinnerlugit ukiullit maanna innuttaasut 13,26 procenteraat - taakku ukiut qulit matuma siornagumut naleqqiullugit 3 procentimik amerlanerupput, taamanikkut 1,27 milliardiugamik.
Kina ukiorpassuanngulersuni innuttaasut amerliartornerannut iliuuseqartareerpoq, ilaqutariit ataasiinnarmik meeraqarnissaannik aaqqissuussinikkut, ilaatigut ilaqutariinnut ataatsimit amerlanerusunik meeralinnut aningaasatigut atugassarititaasunik ajorseriartitsinikkut.
Taamatut politikeqarnikkut innuttaasut ukiumut amerleriartarnerat 1 procentip ataaniitinneqarpoq aamma innuttaasut amerlassusaat ukiuni qulikkaartuni tulliuttuni ikileriarnissaat naatsorsuutigineqarluni.
Maannali ataasiinnarmik meerartussaanermik politikki Kiinap aningaasaqarniarneranut akornutaalersinnaavoq. Tassami soorlu maani Nunatsinnisut utoqqaat amerliartuinnartut sullinnissaannut sulisussat ikiliartuinnartussaammata.