Kinami silarlussiorput
Kinami ulluni makkunani issisiorput, nittaattorujussuullunilu. Tamanna inuit ikinnerpaamik 60-it inuunerannik naleqarpoq, aseruinerillu 38 milliardi koruunit missaanniinnissaat ilimagineqarluni.
Allattoq Mads Lynge
februaarip 01-at 2008 11:45
Inuppassuit napparsimmavinnut aamma unitsinneqartariaqarsimapput.
Inuit millionilikkaat nerisassaqaratik, innaallagiaarunnermik eqqugaallutik, imiinnarmik amigaateqarlutillu benzinassaqanngillat.
Kinami issinnera angallannermik eqquinerluppoq. Aqquserngit ingerlavissaanngillat, qimuttuitsut uninngaannarput, silaannakkullu angallassineq aamma uninngalluni.
Inuit 6 millionit missaanniittut qimuttuitsut unittarfiini maanna unittooqqasimanissaat ilimagineqarpoq.
Kinap qiterpasissuani kippasinnerusortaanilu inuppassuit ajornartorsiortitaapput, ukiullu 50-it ingerlanerini aatsaat ajornartorsiortoqartigisoq oqaatigineqarluni.
