Kinami orsussaarniarfiit matuniarpaat
Kina-mi illoqarfiit pingaarnersaanni Beijingimi oqartussat maajip naalernerani orsussaarniarfiit uulianullu inissiiviit 153-it matuniarpaat.
Allattoq Louise M. Kleemann
Taamaaliornerminnut pissutigaat illoqarfissuarmi tassani aggustip arfineq-pingajuanni Olympiadep aallartinnginnerani illoqarfissuup silaannaata minguinnerulersinniarneqarnera.
Aqqusinerni biilerluni angallanneq aamma killilersorniarneqarpoq, gassi biilinit aniatinneqartartoq killilersimaarniarlugu.
Inuit tuusintilikkaat – immaqa miliuunilikkaat Kina-mi nunap ilaanneersut olympiadep nalaani sulinngiffeqartinneqassapput, taamaalillutik angerlarsinnaaniassammata, aaqqusinermilu angallannermi akornusersuinnginniassammata.