Kinami inuit millionit perorsaaqqittarfimmiitinneqarlutik mattunneqartut
Kiinap avannaata-kitaani inuit naalliutsinneqartut perorsaaqqittarfimmiitinneqartarput, inuit naalliutsinneqartarsimapput, anniartitaasarsimallutillu.
Tamanna inuttut pisinnaatitaaffinnik illersuiniaqatigiiffiup Amnesty Internationalip nalunaarusiaani ataasinngornermi saqqummiunneqartumi atuarneqarsinnaavoq.
Naalliutsinneqarsimasut ilaat, Kairat Samarkan Amnesty Internationalimut oqaluttuarpoq, Kasakhstanimi siorna ilaquttani tikeraartillugit Kinami tigusaasimalluni.
Tigusalli immikkut eqqartuussivikkut inatsisitigulluunniit illersugaasanngillat - taamaattumik pisortanut akiuunnissaminnut periarfissaqartaratik.
Tigusallu najugaqarfiannukaanneqarami inuit allat 6000-it najugaqatigilersimavai, tigusallu naalliutsinneqartut oqaloqatigineqaqqusaasimanngillat.
Kairat Samarkan ilaatigut taliatigut kalunnilerneqartarsimavoq, akunnerillu aqqaneq marluk nikorfatitaasarsimalluni.
Naalliunnermini imminut toqoriaraluarsimavoq, kingornali aniguisinneqarsimalluni.
Peqqarniisaarniarsinnaaneq pinngitsoortinniarlugu inuit perorsaaqqiffimmukartinneqartartut, Kinami siuttut nassuiaatigaat.