Kinami illoqarfik tatsip ataaniilerpoq
Nuna sajummat taseq qarsutsilersimavoq, sakkutuullu ikiortigalugit sapaatip akunnerata kingulliup ingerlanerani, qarsutsinnginnissaa anguniarlugu qaartiterillutik sapusiorput, tamatumalu kingunerisaanik tatsit 30-it pilersinneqarlutik.
Sakkutuut immikkullu ilisimasallit tatsimi sulisut helikopteri atorlugu qimarngussorneqarput, tatsip sakkortummik sarfarnissaa ernummatigineqarmat.
Inuit 200.000-inik amerlassuseqartut sapaatip akunnerata kingullup ingerlanerani qimarngussuneqarput. Allallu 1,3 miliuuninik amerlassuseqartut qimarngussorneqarnissaannik pilersaarusiortoqarpoq, tatsip illoqarfiup eqqaaniittup qarsutsinissaa ernummatigineqarmat. Qarsutsisimanersoq maannamut suli tusagaqarfigineqanngilaq.