Kinami aamarsuarsiorfimmi sulisut matoorussaaqqareerlutik annaanneqartut

Kinap kujataata kippasinnerusortaani aammarsuarsiorfimmi sulisut 13-it akunnerit 86-it matoorussaaqqareerlutik annaanneqarput.

Aamarsuarsiorfimmi imermik qarsutsineqarmat aamaarsuarsiorfimmi sulisut tallimat arfininngornermi ajunaarput.

Sulisut allat 13-it aamarsuarsiorfimmi 313 meterisut ititigisumiittut annaanniarlugit annaasiniartartut 200-nik sineqartut ulloq unnuarlu ulappupput.

Annaassiniartullu qulakkeerlugu oqaluttuaraat, aamarsuarsiorfimmi sulisut 13-it matoorussaasimasut qaarusummi ruujorinut nipiliortitsisut tusaaneqarsinnaasimasut akineqarlutillu taakkualu annaanneqartut.

Aamarsuarsiorfimmi sulisuni matoorussaasimasuni kingulleq pingasunngornermi ullaakkut annaanneqarmat annaassiniartartunit nuannaarutigineqarpoq.