Kina Norgimit utoqqatserfigeqquvoq
Inuit pisinnaatitaaffiinik sorsuutiginnittup Liu Xiaobop Nobelip eqqissinermut nersornaasiuttagaanik siorna nersornaaserneqarnera Norgip naalakkersuisuini atorfilittat utoqqatsissutigissagaat Kinap Norgimi aallartitaata maanna piumasarilerpaa.
Allattoq Louise M. Kleemann
maajip 13-at 2011 08:18
Utoqqatserneq Norgip Kinallu suleqatigiinnerannut pitsanngorsaataassasoq Kinap naalakkersuisui isumaqarput.
Liu Xiaobop Kinami innuttaasut tunngaviusumik pisinnaatitaaffiinik sorsuutiginninnini pillugu Nobelip eqqissinermut nersornaasiuttagaanik siorna nersornaaserneqarpoq.
Kisianni Kinap utoqqatsissummik tunineqarnissani naatsorsuutigissanngikkallarpaa, tassami Nobelip eqqissinermut nersornaasiuttagaa Norgimi naalakkersuisunit aalajangerneqarneq ajormat.
- Norgip Kinallu akornanni attaveqatigiinnerup puitsasumillu suleqatigiinnerup innarlerneqannginnissaa tamatta soqutigisaraarput,Norgip naalakkersuisuini atorfilittat ilaat Marte Lerberg Kopstad, AFP-mut ilaatigut oqarpoq.
