Kina MIO-p nersornaasiuttagaanik tunineqassava?
Meeqqat pisinnaatitaaffiinik sullissivik, MIO, inummik peqatigiiffimmilluunniit meeqqanik immikkut ittumik sullissisimasumik ukioq manna nersornaaseeqqinniarpoq.
Allattoq Jonas Fievé
Nutserisoq Simon Uldum -
MIO-p nersornaasiuttagaa ullormi novembarip 20-ani, Naalagaaffiit Peqatigiit Meeqqanut isumaqatigiissutaata malunnartinniarnerani, tunniunneqassaaq, MIO tusagassiorfinnut nalunaaruteqarluni taama allappoq.
MIO-p nersornaasiuttagaanut piukkussaqartut kingusinnerpaamik oktobarip 30-ani innersuussissapput.
MIO-p nittartagaani mio.gl-imi paasisarnerusinnaavutit.
Nersornaasiuttakkap aningaasartai 20.000 koruuniusut NunaFondimit aningaasaliissutigineqarput.