Kina mingutitsinerpaanut ilaavoq
Kina nunarsuartsinni mingutsitsinerpaaffiusunut ilaavoq, mingutsitsisarnerli nukimmillu maanngaannartitsisarneq unitsinneqartariaqartariaqartoq, Kinami ministeriuneq Wen Jiabao neriorsuivoq.
Kinami inatsisartut, Den Nationale Folkekongres ataatsimiilermata ammaanersiortoqarnerani ministeriuneq Wen Jiabao oqalugiaatimini taama oqarpoq.
Kinami aningaasarsiorneq annertusiartorpoq, ilutigitillugulu mingutsitsineq annertusiartuinnavilluni.
Nunani mingutsitsinerpaaffiusuni 118-iusuni Kina normu 100-tut inissisimavoq, avatangiisimillu mingutsitsinaveersaarnissaq pillugu pilersaarusiaq Kinami malinneqarsimanngitsoq oqaatigineqarluni.
Nunat aningaasarsiorfiunerpaat akornanni Kina normu 4-tut inissisimavoq, aningaasarsiornerlu 10,7 procentinik siorna annertuseriarsimalluni.
Kinami aningaasarsiorneq ukioq manna allannguuteqangaarnavianngitsoq, tassa 10 procentit sinnerlugit annertuseriassasoq ilisimatuut amerlanerit ilimagaat.
