Kina-mi meeqqat nappaammit ulorianartumik eqqorneqartut
Toqusut kingulliit illoqarfimmi Anhui provinsimiittumi Fuyangimi toqupput, illoqarfik taanna nappaalaffioqaaq. Nutaarsiassaqartitsivik Xinhua naapertorlugu meeqqat 3000-it missaat nappaammit eqqorneqarsimapput.
Inalukkakkut nappaat taanna navianaqisoq, EV71, meeqqat 500-t pingasunngormalli nappaalassutigilersimavaat. EV71, assakkut, isikkakkut qanikkullu sunniuttarpoq, tunillannartorujussuulluni, meeqqallu mikisut suli akiuussutissaqarpinanngitsut eqqornerusarpai.
Nappaalaneq marsimili aallartippoq, naalakkersuisullu Kinami tusagassiorfiit nappaalanermik isertuussisimanerarpaat. Meeqqat qulingiluat inuunerat massakkorpiaq navianartorsiorpoq, allat 40-t aamma peruluttorujussuupput. Meeqqat tunillatsissimasut amerlanersaat arfinillit inorlugit ukioqarput.
Naalagaaffiit Peqatigiit peqqinnissakkut suleqatigiiffiata, WHO-p, virusi ernumanartoqarteqaa, virusimi taanna qaratsakkut, uummatikkut puakkullu nappaalalersitsisinnaammat.