Kina-mi Kommunistit partiiata ataatsimeersuarnera naammassivoq

Naak Kommunistpartiip allattuunera, Kinamilu præsidenti, Hu Jintao, pissaaneqaraluaqisoq Kinami toqqarneqartut nutaat kikkut qullersaanerannik takutitsipput.

Kinap oqaluttuarisaanerani naalakkersuinikkut sunniuteqarnerpaat qulingiluat siullerpaamik ataatsikut tusagassiortunut sassarput, tamanna pivoq Kommunistit Qullersaqarfiata ataani ataatsimiititaliaq ataavartoq ullumi qinigaasunik nutaanik ilisarititsimmat, qaammatini kingullerni tusatsiakkat eqqoriaaqattaarnerillu unittussanngorunarput. Hu Jintao, ukiuni tulliuttuni tallimani pissaaneqarnerpaajusussaavoq, Partiimi allattuunermi, Præsidentiunermilu saniatigut aamma sakkutuunut qullersaavoq. Naalakkersuinermut sunniuteqarsinnaasut toqqarneqartut ilaat siuliminniit inuusunnerupput, ministeriunerup Præsidentillu tunuarunik kingoraartissamittut piukkussaattut taaneqarsinnaasut. Qinerneqartut inuusunnerit marluk piukkunneqarput, tassa nunap immikkoortuini Jao Jy Ning-imi Shanghai-imilu partiip siuttui. Lu Ku Hsiang, 53-inik ukiulik ministeriunertut toqqarneqassagunarpoq, politikeritullu ineriartorsimanera soqutiginarluni, tassami ilinniartuulluni akerliussutsimik takutitseqataalluni kikkut tamarmik isummaminnik kiffaanngissuseqarlutik annissisinnaanerat suaartaatigisimagamiuk, kingornalu inatsisilerituutut ilinniarsimavoq nunallu killiit aqutseriaasiannut qanillattortuulluni. Maannali politikkikkut inissikkuminaatsutut isigineqarpoq.

Toqqarneqartup soqutiginartup aapparaa Zeng Jing Ping, Shanghai-imi partiip siuttua, naalakkersuisut nunap immikkoortortaani ajornartorsiutaasuni arlaleriarlutik eqqissisaajartortittarsimasaat, ilaqutariit mumisitsiniat ataqqisaasut siulerai, erinarsortartumillu tusaamasamik nuliaqarluni.