Kina-mi ajunaartut timaat tunillaassuutsinnagit iliuuseqartoqarpoq
Nunap sajunnerani illoqarfimmi Beichuan-imi ajunaartut timaat pullaakkiartulerlutik nappaatinik tunillaassuutsitsilersinnagit illut isasimasut qarmaat eqqakkallu tunillannaveersaatinik seqqartarneqarput. Manna tikillugu inuit 51.151-it ajunaarsimasutut, 30.000-illu missaaniittut maqaasineqartut pisortanit nalunaarutigineqarpoq. Inuit 5 milliuunit angerlarsimaffeerussimasut pigisaminnillu tamanik annaasaqarsimasut ilarpassui suli oqquiffissaqaratik erloqipput. Beichuan-imiut ilaat oqarpoq, ikiuiniarneq pissusissamisut ingerlanneqanngitsoq arriitsuararsuusorlu. Pisortat ikiuiniartitaat toqqinik allanilluunniit oqquiffiusinnaasunik 3.300.000-inik amigaateqarput, inuppassuillu tamakku ikiorniarlugit Kinamiut nunanut allanut tapersersuisussarsiorput.
