Kina Mexicomi isumaqatigiissuteqaqqusilerpoq

Naalagaaffiit Peqatigiit silap pissusaata allanngoriartornera pillugu Københavnimi decembarimi ataatsimeersuartitsinerat annerusumik isumaqatigiissuteqarfiunngilaq, iluatsitsiviunnginneranullu apeqqutit peqqutaasinnaasut nunat angisuut paasiniarnialermatigik Kinami sila pillugu isumaqatigiinniartartup tamanna "upperiuminaatsippaa".
februaarip 24-at 2010 11:50

- Isummat naleqqussarneqarlutillu naligiissarneqarsinnaapput, uangali nammineq isumaqarpunga, malunnaatilimmik allanngornavianngitsut.

Silap pissusaa pillugu politikki Beijingimi ippassaq ataatsimiissutigineqarmat, Kinami silap pissusaa pillugu oqaaseqartartoq, Yu Qingtai taama oqarpoq. Silap pissusaata allanngoriartornera pillugu Mexicomi ukioq-manna kingusinnerusukkut ataatsimeersuartoqalerpat annertuumik pituttuisumillu isumaqatigiissuteqartoqarnissaa Yu Qingtai-ip isumalluarfigerujussuanngilaa.

Silap pissusaata allanngoriartornera pillugu Naalagaaffiit Peqatigiit allaffeqarfianni pisortaq, Yvo de Boer, Naalagaaffiit Peqatigiit 2010-mi isumaqatigiissuteqarnissaat ajornakusoornerarlugu oqareersorlu, Kinami silap pissusaa pillugu isumaqatigiinniartartoq taama oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq