Kina kaaviartitaqarnerulersitsivoq

Aalisakkanik tunisassiarineqarsinnaasunik Kinamit Royal Greenlandi raajanik niiveruteqarnermigut kaaviaartitani ukioq-manna amerleriarpai. Aningaasat 4 milliardi koruunit ukioq-manna kaaviaartinneqalerput, ukiut siuliinut sanilliullugu aatsaat taama pitsaangoriartigaaq.

Suliffeqarfissuaq nunarsuarmi raajanik tunisassiornermi annerpaatut inissisimasoq,

raajallu akii apparaluttuinnaraluartut Royal Greenland aatsaat taamak amerlatigisunik aningaasanik kaaviiaartitaqalersoq, Royal Greenlandip pisortaata Henrik lethip uppernarsarpaa. Kaaviaartitsinermi 2002/2003-mullu sanilliullugu 350 milliuuni koruunik pitsaanngoriaat.

- Kinami, Tysklandimi Norgemilu suliaqarnerulernitsigut kaaviaartitaqarnerulerpugut.

- Kinami immikkoortortaqarfitsinni tallimanik sulisulimmi aalisakkanik tunisassiarineqarsinnaasunik niivertitsivugut, aalisakkallu pissarsiat tunisassiareriarlugit nunani allani aalisakkeriviutitsinni tunisassiareriarlugit tuniniaqqittarpavut. Henrik Lethip assersuusiarai sarulliusaaq Alaska Pollack Tysklandimi tunisassiarineqartartoq, manerassuarmilu aalisagaq Yellow finsole USA-mi japanilu tunisassiarineqartartoq, RG-p pisortaa Henrik Leth oqaluttuarpoq. Aalisakkanillu tunisassiorneq tuniniaanerlu eqqarsaatigalugit isumannaaallisaasoqartuartariaqarpoq.

- Pingaaruteqarpoq aalisakkerinermik tunisassiortilluni sumilluunniit isumannaallisartuarnissaq, soorlu allanik nerisassiornermi tuniniaavissuit taamaasiotuartut, uagut aalisakkerinermi isumannaallisarnissaq pingaarteqaarput, Henrik Lethip oqaatigaa. Taanna aamma oqarpoq immameersunik tunisassiaasinnaasunik tunisassioriaatsinik suliffissuarmi sulisoqarlutik imaluunniit misissuisitsillutik, tamannalu namminersortunngorsaanermut attuumassuteqanngitoq.

Kaaviaartitat sisamararterutaat nunatsinneersuupput, naak suliarineqartartut ikilinngikkaluartut, Henrik Lethilli ilanngullugu oqaatigaa nunatsinni suulluunniit immap pii pisasassat amerleriaateqanngimmata suliffissuarni suliaqarnerusinnaanatik.