Kina Issittumut eqqissisimanartumik iliuusissamik qinersisoq
Iliuusissatut qinikkami kiinamiut naalakkersuisuisa Issittumi eqqissisimasoqarnissaa taperserpaat, tassa aaqqiagiinngissutaasinnaasut nunat tamalaat akornanni isumaqatigiissutit, ullutsinni atorneqartartut malillugit aaqqiissuteqarfiusassapput.
Kina sikoqarfiusumut sineriaqanngilaq, taamaammat Issittumi Siunnersuisoqatigiit ilaasortaannut arfineq pingasunut ilaanngilaq, taasisinnaassuseqarnanili malinnaasutut siunnersuisoqatigiinni ilaavoq.
AAMMA ATUARUK Kinamiut aningaasaliisarnerat aarlerinartoqarpoq
Taamaakkaluartoq iliuusissamik qinersinermi nutaami Issittumi Siunnersuisoqatigiit issittumut tunngasunik aalajangiisarfittut akuersaarpaa.
Nunalli Issittumut qanittut – soorlu Kina – piffik pillugu suleqatigineqarnissaat pingaaruteqartoq naqissuserneqarpoq.
- Kina issittumut tunngatillugu susassaqartuuvoq pingaarutilik. Nunat sumiinnerat eqqarsaatigalugu Kina ’naalagaaffiuvoq Issittumut qanittoq’, naalagaaffik nunap toqqavianut, qaasuitsup killeqarfianut qaninnerpaasoq, iliuusissami allassimavoq.
AAMMA ATUARUK Område på 2,8 millioner kvadratkilometer fredet for fiskeri i Arktis
Kinami naalakkersuisut Issittumi allanngoriartortoqarnera toqqaannartumik Kinamut sunniuteqartoq erseqqissaatigaat.
- Issittumi pissutsit, taakkulu allanngoriartornerat, Kinap silaata pissusianut avatangiisaanut aammalu aningaasaqarnikkut nunalerinermut, orpippassualerinermut, aalisarnermut imaani suliffissuaqarnermut susassaqarfinnullu allanut toqqaannartumik sunniuteqarput.
