Issittumi 2,8 millionit kvadratkilometeritut isorartutigisoq aalisarnermi eqqissisimatitaassasoq

Isumaqatigiissut sumiiffimmi nunatsinni annertunerulluni, 2,8 millionit kvadratmeterisut isorartutigisumi suliffissuaqarnikkut ukiuni 16-ini aalisartoqannginnissaanik isumaqatigiissutigineqartoq amerikamiut illoqarfiisa pingaarnersaanni, Washington D.C-mi isumaqatigiissutigineqarpoq.

Danmarkip USA, Canada, Norge, Rusland, England, Island, Japan, Korea Kujalleq, Kina EU-llu ataatsimoorlutik isumaqatigiissuteqarfigaat, tamannalu avatangiisit pillugit suliniaqatigiiffiup, Greenpeacep oqaluttuarisaanermi pingaaruteqarnerarpaa.

- Issittumut ulloq oqaluttuarisaanikkut pingaaruteqarpoq nalliuttorsiutiginissaalu nalissaqarpoq. Nunarsuatsinni inuit millionippassuit qaammarsaanerput - Save the Arctic piffissami sivisuumi taperserpaat - taakkuuppullu ilaatigut issittumi sumiiffiup immikkuullarissup aserorterinermik aalisarnermut unitsitseqataasut, Jon Burgwald Danmarkimi Greenpeacep issittumut tunngasunut akisussaasua tusagassiutinut allappoq.