Kina inuit pisinnaatitaaffii pillugit iliuuseqanngippallaartoq

Suliniaqatigiiffiit arlallit Kina isornartorsiorpaat, aappaagu Beijingimi OL-eqarnissaa sioqqullugu inuit pisinnaatitaaffiinut tunngasunik iliuuuseqanngippallaarnerarlugu. Isornartorsiuisut ilaatigut tassaallutik Amnesty International aamma Human Rights Watch.
Allattoq Jaaku Lyberth
aggustip 07-at 2007 09:41

- Kinami oqartussaasut olympiadep ingerlannissaa neqeroorutigigamikku akuerineqarlutillu, inuit pisinnaatitaaffiisa ineriartortinneqarnissaat pitsanngorsarneqarnissaallu neriorsuutigaat, Amnesty Internationalip qullersaa Irene Khan oqarpoq.

‘Taama pisoqarnikuunngilaq’ Irene Khan oqarpoq tikkuarlugulu piaartumik iliuuseqartoqanngippat OL Kina-mut, OL-imik aaqqissuussisarnermut nunarsuarlu tamakkerlugu kanngusuutinngussasoq.

Amnesty-mit pingaarnerutillugu toqumik pillaasarneq isornartorsiorneqarpoq. Nunarsuatsinni nunat akornanni Kina toqumik pillaanerpaasarpoq. Ukiut tamaasa 1.000-it aamma 8.000-it akornanni toqumut pillarneqartarput. Qasserpiaanerisa nalornineqarnerannut pissutaavoq; toqumut pillarneqartut qassiuneri Kina-p avammut nalunaarutigisanngimmagit.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq