Kuppillanneq Kinami siaruatsaalioraat

Kuppillattoq siulleq Kinami tallimanngormat nalunaarsorneqarpoq. Taamaammat nappaalanerit pillugit nakorsaaneq kaammattuuteqarpoq.
Kuppillanneq virusimit nappaataavoq, atttorneqarnikkullu tuniluussinnaalluni. Virusi silaannakkut tuniluussinnaanngilaq, napparsimanermillu aatsaat takussutissaqaraanni tuniluussinnaalluni. Assi © : Navy Medicine/flickr
Allattoq Ritzau
septembarip 20-at 2022 09:00
Nutserisoq Mads Lynge

Nappaatip kuppillaap siaruatsaaliornissaa pillugu Kinami innuttaasut nunanit allaneersunik qanillattuinnginnissaat Kinami oqartussat sapaatit-akunnerisa naaneranni kaammattuutigaat.

Nutaarsiassaqartitsivik Reuters taama allappoq.

Kinami nappaalanerit pillugit nakorsaaneq Wu Zunyou taama kaammattuuteqartuuvoq.

- Nappaatip kuppillaap tuniluutilinnginnissaa pillugu nunanit allaneersut qanillattussanngilatit, taanna inoqatinut attaveqaqatigiittarfitsigut Weibokkut ilaatigut allappoq.

AAMMA ATUARUK WHO: Nunarsuarmi inuit kuppillammik tunillanneqarsimasut 41.000-t sinneraat

Kuppillattoq siulleq Kinami nalunaarsorneqareersorlu taama nalunaaruteqartoqarpoq. Tunillanneqarsimasoq tassaavoq Kinamiu 29-nik ukiulik. Taanna Spaniamit Kinami illoqarfimmut Chongqingimut septembarip ulluisa 14-ianni angalasimavoq.

Kuppillanneq virusimit nappaataavoq, atttorneqarnikkullu tuniluussinnaalluni. Virusi silaannakkut tuniluussinnaanngilaq, napparsimanermillu aatsaat takussutissaqaraanni tuniluussinnaalluni.

Suli pitsaanerulernissatsinnut ikiortigut! Nutaarsiassamut malugisaqaruit uunga allaffigitigut.

Aamma atuaruk