Ippassaq tallimanngormat KNR Music awards-ip nipilersortartunik nersornaasiinerani inuusuttunnguaq erinarsortartoq Kimmernaq Kjeldsen nersorneqarluinnarpoq.
Kimmernaq pingasoriaammik nersorniarneqarpoq, tassalu; ”Ukiumi qaangiuttumi nuannarineqarnerpaatut” nersorniarneqarpoq aammalu ”cd-liatut nuannarineqarnerpaatut” nersorniarneqarpoq kiisalu ”cd-lioqqaartumut nersornaatisisutut” nersorniarneqarluni.
Aatsaat siullerpaamik KNR taamatut nersornaatisisussanik agguaasserngaarpoq, taasinerillu tusarnaartartut namminneerlutik oqarusuaat nittartagarlu aqqutigalugit taasinerivaat.
Oqaatigineqarporlu inuit 70.000-t missaanniittut taasisimasut.
Ataqqinaammik nersornaat Siiva Fleischerimut tunniunneqarpoq taamatuttaaq taassuma nipilersortartui ZIKAZA-kkut ”Ukiumi qaangiuttumi tusarnaartitsisutut pikkunarnerpaatut” nersornaatisipput.
KNR-ip nersornaatinik agguaassinera ukiortaami januaarip aallaqqaataani tv-kkut takuteqqinneqassaaq.