Kimmernaq aamma G-60 Tivolimi pingaarnertut tusarnaartitsissapput
Rockimik nipilersortartut nunannarineqarluartut G-60 qassarissumillu erinarsortartoq Kimmernaq kalaallit Tivolimi naapisimaarnissaannut pilerisaataassapput. G-60 ukiuni 30-ni nipilersoqatigiioreeraluarlutik Tivolimi nipilersunngisaannarsimapput.
Tivolimi Københavnimiittumi naapeqatigiittarneq taaguuteqartoq "Grønland i Tivoli", kalaallisut "Kalaallit Nunaat Tivolimi". Taassumalu aaqqissuunneqarnera saqqummiunenqaqqammerpoq, aqutsisoqatigiillu nipilersortartut nuannarisatoqqat nutaallu akuleriisinniarsimagitik erseqqissarpaat.
Tallimanngornermi rockertoqassaaq
"Kalaallit Nunaat Tivolimi" Tivolimi tallimanngornikkut rockeqarneranut iluatsitaavoq, taamaammallu qallunaap erinarsortartup Lis Sørensenip, kalaallit kulturisiorlutik naapisimaarnerat tallimanngornikkut naggasissavaa.
- Lis Sørensen eriarsortartutut asaneqaqaaq, Danmarkimi Kalaallit Nunaannilu tusarnaarterpassuaqarluni. Katuaq ulikaarlugu 2012-imi nipilersorpoq, maannamut suli eqqaamaneqartumik. Uummataa Nunatsinnut tillerpoq, taamaammat augustip aallaqqaataani nipilersorniarmat nuannaaqaagut, aqutsisoqatigiinneersoq Miki Jensen oqarpoq.
Aliikkusersuinerit erinarsoqatigiillu
Taakkua saniatigut aamma For Akia, Malu Rohmann Kristian Mikkelsen-imik Nikolaj Lønstrupimillu nipersoqateqartoq, qanganitsanik nipilersortartut sisamaasartut Josef Josefsen, Ida Heinrich, Pauline Lumholt Emil Mølgaard-ilu tusarnaarneqarsinaapput.
Kalaallit Nunaat Tivolimi aaqqissuussat nunatsinni kutlturimut tunngasunik sammisaqarsiusut annersaraat.
PILERSAARUT
Juulip 31-ani
11.00 Tusarnaartitsisarfiup eqqaani kalaallit tuniniaavii ammassapput
12.00 Tikilluaqqusineq - Plænen
12.05 Meeqqanut inersimasunullu sammisassaqartitsineq: Kalattuut - Plænen
13.00 Erinarsoqatigiit MIK - Plænen
13.30 Kalattuut, quiasaarineq erinarsornerlu- N.A.I.P.- Plænen
15.10 Josef Josefsen, Ida Heinrich, Emil Mølgaard & Pauline Lumholt - Plænen
16.10 Malu Rohmann & Kristian Mikkelsen - Plænen
19.00 Nikolaj Lønstrup PopUp Torsdag - Harmonipavillionen
20.00 G-60 - Plænen
21:30 Kimmernaq - Plænen
22.45 Ullormut qujanaq - Plænen
Aggustip aallaqqaataani
11.00 Tusarnaartitsisarfiup eqqaani kalaallit tuniniaavii ammassapput
12.00 Tikilluaqqusineq - Plænen
12.05 Meeqqanut inersimasunullu sammisassaqartitsineq: Kalattuut - Plænen
13.00 Malu Rohmann, Kristian Mikkelsen & Nikolaj Lønstrup - Harmonipavillionen
14.20 Erinarsoqatigiit MIK - Plænen
15.00 Kalattuut, quiasaarineq erinarsornerlu- N.A.I.P.- Plænen
16.15 Josef Josefsen, Ida Heinrich, Emil Mølgaard & Pauline Lumholt - Harmonipavillionen
17.00 For Akia - Plænen
17.40 Unammisitsinermi makitsineq - Plænen
19.00 Kimmernaq - Plænen
20.00 G-60 - Plænen
22.00 Lis Sørensen Tallimanngornermi rockerneq - Plænen
