Kiminniaanissat kinguartippaat
Air Greenlandimi aaqqiagiinnginnerup eqqugaasa ilagaat Greenland Minerals And Energy A/S innuttaasunik ataatsimiititsisussaagaluaq.
Allattoq Noah Mølgaard
januaarip 10-at 2011 09:11
Narsap eqqaani Kuannersuarni aatsitassarsiorniarneq pillugu kujataani innuttaasut uani sapaatip akunnerani ataatsimiisinneqartartussaagaluarput. Tamannali Air Greenlandimi aaqqiagiinnginnermit eqqorneqarpoq.
- Innuttaasunik ataatsimiititsinerit Narsami marlunngorneq 11. januar, Nanortalimmi pingasunngorneq 12. januar aamma Qaqortumi sisamanngorneq 13. januar ingerlanneqartussaagaluit piffissami killiligaanngitsumi maanna kinguartinneqarput. Timmisartuussinermi aaqqiagiinngissuteqarneq qaangiuppat ataatsimiinnerit sapinngisamik piaartumik ingerlanneqassapput, taama Greenland Minerals And Energy A/S nalunaarpoq.
