Kimik-IT ingerlaannarsinnaalerpoq
Eqqartuussivimmi Østre Landsretimi pineqaatissiineq naapertorlugu qarasaasialeriffiup Kimik-IT-p 17,2 millioni koruuninik KANUKOKA-mut akiliisussanngortitaanerata kingorna, Kimik-IT akileereermat, suliffeqarfiup akiliisinnaajunnaartutut nalunaarutigineqarnissaanik KANUKOKA-p piumasarisaralua taamaatiinnarneqarpoq. Taamaalilluni Kimik-IT ingerlaannarsinnaalerpoq.
Allattoq Louise M. Kleemann
Kalaallit Nunaanni eqqartuussiviup pineqaatissiinerata kingorna, Kimik-IT akiliinissami utaqqisikkallarnissaa KANUKOKA-mut siunnersuutigigaluaramiuk itigartinneqarpoq. Taamaammat Kimik-IT akiliisinnaaniarluni atorniartariaqarsimavoq.
- Aningaasat pissarsiarinissaannut piffissaqarniarluta akiliinissarput kinguartinniarsimagaluarparput, KANUKOKA-lli akiliisinnaajunnaartutut nalunaarutiginninniarnerigalua pisariaqanngilluinnaraluarpoq, Kimik-IT-mi pisortaq, Ian Wennerfeldt oqarpoq.