KIMIK iT annertuumik suliakkinneqarpoq

Nunatsinni qarasaasialeriffiit ingerlalluarnerpaat ilaat, KIMIK-IT, Canadami timersorluni unammiuaarnissanut tulliuttunut sisamanut, ukiut arfineq-pingasut ingerlaneranni, 2019 ilanngullugu pisussani, attaveqaataassalluni isumaqatigiissuteqarpoq.
Allattoq Karsten Sommer, Carla Davidsen
novembarip 04-at 2011 06:39

Canada Games tassaavoq timersuutinik assigiinngitsunik 36-nik unammiuaartitsiviusartoq.

Unammiuaarnerit ukioq allortarlugu pisarput, ukiuunerani aasaaneranilu paarlakaajaallugit pisarlutik, Canadami timersortartut sumiiffinnit assigiinngitsunit peqataaffigisagaat.

Allaffissorneq, timersornernik assigiinngitsunik timersuuteqartartunik, 4.200-nik, nalunaarsuiffissaq, KIMIK-iT-p isumagissavaa, inissarsiornerat, sumi unammiuaarnissaat timersorlu angusaat nalunaarsortassallugit.

KIMIK-iT Canadami unammiuaarnerni siusinnerusukkut aamma nalunaarsuisuusarsimavoq, aamma Arctic Winter Gamesini kingullerni tallimani qarasaasialerisuusimalluni.

Isumaqatigiissut KIMIK-iT-p canadamiut dollariinik 800.000-inik isertitaqaatigissavaa, tassa 4 millionit koruunit missaanik.

Unammiuaarneq Canada Summer Games 2013-imi aggustimi pisussaavoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq