Kim Larsenip erinarsuusiai nuannarineqarluarput - aamma Kalaallit Nunaanni
Kim Larsen sivisuumik quup aqqutaatigut kræfteqarpoq, tamannalu pillugu aamma pilatsinnikuulluni.
Kim Larsenip erinarsuusiai nuannarineqartupilussuupput, arlaleriarlunilu nunatsinni illoqarfinni anginerni tusarnaartitsisarnikuulluni.
Kingullermik 2008-mi nunatsinniippoq, nipilersortartuni Kjukken peqatilugit tusarnaartitsisaqattaarami.
Kim Larsenip nunatsinni tusaamaneqarluarnera erinarsuusiaanillu nuannarinnitseqarluarnera 1988-mi nunatsinni tusarnaartitsilluni angalaneranit pissuteqarpoq.
Ilulissani tusarnaartitsinerminut atatillugu qajartortartoq tusaamaneqarluartoq, Manasse Mathæussen naapippaa, unnuakkullu akunnittarfimmi erniarsuusiani tusaamaneqarluartut ilaat taalliaralugu, tassalu "Så vender vi kajakken".
Erinarsuut så vender vi kajakken Ilulissani Nuummilu tusarnaartisinermini immiuppaa, kingorna nuussuaq
Yummi Yummi saqqummersikkamiuk erinarsuut taanna saqqummersillugu, nuuussuaq LP millionit affaanik amerlatigisunngorluni tunineqarpoq.
Nuussuup tunineqarneranit isertitsissutigineqartut kalaallit nipilersortartuisa immiussinerannut tunissutigineqarput.
Taamaalilluni Kalaallit Nunaat Kim Larsenimut aamma qujassutissaqarpoq.
