Kim Kielsen:CO2-mik aniatitsineq 8 procentinik apparneqarsinnaanngilaq

CO2-mik mingutsitsinerup annikillisarneqarnissaa pillugu pilersaarutit kingusinaartumik saqqummiunneqarnerat, Avatangiisinut naalakkersuisup Kim Kielsenip nassuerutigaa, gassinilli silaannarmik kissatsitsisartunik aniatitsitsinermik 8 procentinik annikillisitsiniarluni suliniutit maanna aallartinneqareersut, naalakkersuisup oqaatigaa.
Allattoq Mads Lynge
marsip 04-at 2009 15:20

- Patsisissat assigiinngitsut taakkartorsinnaagaluarpakka, taamaattorli taakkua oqaatiginagit oqaannassaanga Aqutsisoqafimmik pilersitsigatta. Taakkualu suliaat Inatsisartuni aamma nalilersorneqarumaarlutik, Kim Kielsen oqarpoq, nangipporlu:

- CO2-mik mingutsitsinitta 8 procentinik 2012-imi annikillisinneqarsimanissaa naatsorsuutiginngilara, kisianni anguniagaavoq taanna, angorusunnarlunilu. Taamaattorli massakkut saqqummiussami malunnareerpoq 140.000 tonsit missaanni amigartoorutaassasut. Taakkua suminngaanniit annikillisarneqarsinnaassanersut ujartortussaassaavarput, Avatangiisinut naalakkersuisoq Kim Kielsen oqarpoq.

Kim Kielsenip Danmarkip avatangiisinut ministeria Connie Hedegaard, sapaatip-akunnerata tulliani ataatsimeeqatigissavaa, gassillu silaannarmik kissatsitsisartut annikillisarneqarnissaannut atatillugu pilersaarut tassani saqqummiunneqassalluni.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq