Kim Kielsen: Sumiiffikkaarlugit matoqqatitsisoqarli

Inatsisartut aalisarnermut piniarnermullu ataatsimiititaliaanni siulittaasup tulliata, Siumumeersup Kim Kielsenip, nuna tamakkerlugu saattuarniarnerup juulip aallaqqaataaniit matoqqatinneqarallarnissaa akerlilerpaa, sumiiffikkaartumillu matoqqatinneqartarnissaa siunnersuutigalugu:

- Nuna tamakkerlugu saattuarniarnerup matoqqatinneqarallarneqarnissaannik naalakkersuisut aalajangernerat kukkussuteqalaartoq. Sumiiffiit najoqqutaralugigt matoqqatitsisoqartarnissaa uanga tapersersorpara, Kim Kielsen oqarpoq.

Taanna aamma isumaqarpoq aalisartut Pinngortitaleriffiullu akornanni annertunerusumik suleqatigiinneqartariaqartoq.

- Aalisartut ersarissumik nalunaaruteqartartuugunik Pinngortitaleriffimmi immaqa atorluarneqarsinnaassagaluarput, Kim Kielsen oqarpoq, oqarlunilu ersarissumik aalisarnermut inatsisertaarnissarput pingaaruteqarluinnartoq.

Qaqugukkut matoqqatitsisoqartarnissaa oqaatiginngikkaluarini, Kim Kielsenip erseqqissaatigeqqiinnarpaa tamanna pillugu kisitsisit ersarissut paaseqqaarlugit maleruagassaliortoqartariaqartoq.