Kim Kielsen: -Sumi tamaani ikuallaaneq unitsittariaqarpoq!
Taanna ilaatigut oqarpoq ajuusaarnartuutikkini Kalaallit Nunaani kommunini assigiinngitsuni eqqaaveqarneq pillugu inatsisip malinneqartannginnera.
Kim Kielsen ilaatigut ima oqarpoq.
- Eqqagaqarnermut tunngatillugu massakkut oqariartuutigisinnaavara ukiamut Inatsisartunut saqqummiisussaagama, Kim Kielsen oqarpoq.
Taanna nassuiaavoq eqqagaqarnermut pilersaarut ukiut tulleriit kingulliit arfineq-marluk suliarineqarsimasoq Inatsisartunut akuerineqartussanngorlugu ukiamut saqqummiuttussaagini.
- Neriuppunga akuersaarneqarumaartoq, oqarpoq.
Taanna neriuppoq nunaqarfiit aqutsisui kiisalu illoqarfinni kommunalbestyrelsiusut suleqatigalugit eqqakkat pillugit aaqqiissuteqarfigineqarnissaat siunnerfigiumaaritsik.
- Eqqaamaneqartariaqarporlu ikuallaaneq sumi tamaani ingerlanneqartartoq unitsinneqartariaqartoq. Taamatuttaaq eqqakkat qanoq sumullu pissanerlugit siunnerfigalugu oqallisigisariaqarput. Ukiamullu saqqummiussigutta ataavartumik suliassanngorlugu ingerlattussanngortissavarput, taama oqarpoq avatangiisinut naalakkersuisoq Kim Kielsen.
