Kim Kielsen: Politiit misissuisuussapput
Inatsisartut taasisarnermut maleruagassaannik unioqqutitsinerit pillugit suliaq politiinit ingerlanneqarsimasariaqaraluartumik isummani, naalakkersuisunut ilaasortap Kim Kielsenip suli attappaa. Kim Kielsen taamaalilluni Inatsisartut siulittaasoqarfiannut illuatungiliuppoq.
Allattoq Mads Lynge
- Misissuisitsinermut atatillugu apeqqutit misissuisussamut apuunneqarsimasut, uagut, tassa uanga inatsisartunullu ilaasortat allat, Inatsisartut siulittaasoqarfiannut apuussavut naammassorigaluarpakka, apeqqutillu uanga itisilissagikka Siulittaasoqarfiup piumasarigaluarpaa. Siulittaasoqarfiup tamanna susassarinngilaa, politiilli matumani susassaqartuullutik. Apeqqutit akissutissaat politiit piumaarpaat, Kim Kielsen Radioaviisimut oqarpoq.