Kim Kielsen naalakkersuisunngorpoq
Inatsisartut upernaakkut ullumi ataatsimiilernerannut atatillugu Kim Kielsen Ineqarnermut, Attaveqaqatigiinnermut Aatsitassanullu Naalakkersuisussatut Inatsisartunit akuerineqarpoq.
Taamaalilluni Jørgen Wæver Johansenip ukioq manna januaarip ulluisa 15-anni naalakkersuisutut tunuarmalli Naalakkersuisunut ilaasortat tamakkeqqipput arfineq-pingasunngoqqikkamik.
Kim Kielsenip Naalakkersuisunut ilaasortassatut ullumi akuerineqarnissaata tungaanut Inuussutissarsiornermut, Sulisoqarnermut Inuussutissarsiutinullu ilinniartitaanermut Naalakkersuisup Siverth K. Heilmannip Ineqarnermut, Attaveqaqatigiinnermut Aatsitassanullu Naalakkersuisoqarfik tigummisarigallarpaa.