Kim Kielsen: Akiliutit aningaasartuutinut naleqqussarneqartarput

- Ineqarnermut aningaasartuutissanit inissianik attartortut namminneerlutik sunniuteqarfigisarpaat, Ineqarnermut naalakkersuisoq Kim Kielsen allappoq, nangipporlu: - Attartortut tamarmik ineqarnermut akiliummik akiliisartuuppata, ineqarnermut akiliutit ukiumut agguaqatigiissillugit kvadratmeterimut 7 koruunit sinnerlugit appartinneqassagaluarput, ineqarnermut naalakkersuisoq allappoq.
Allattoq Mads Lynge
januaarip 17-at 2008 11:58

Ineqarnermut akiliut aningaasartuutit malillugit aalajangersarneqartarpoq. Ineqarnermut Attaveqarnermullu Pisortaqarfik tusagassiutinut nalunaarummi allappoq.

Namminersornerullutik Oqartussat inissiaataanni attartortittakkani inissianik attartornermut akiliutit akitsornissaasa siumoortumik nalunaarutigineqartarnera piffissami kingullermi isornartorsiorneqarmat Ineqarnermut Pisortaqarfik taama qisuariaateqarpoq.

Innissanik attartornermi akit akisuallaarneri, attartornermilu akiliutip inissiat aserfallatsaalineqartarsimannginnerannut tunngatillugu attartornermi akigitinneqalersussaq tulluartuunnginnerarlugu isornartorsiuisoqarpoq.

Attartortitsisarnermut peqqussummi allassimavoq ineqarnermut akiliutip aalajangersasrneqarnerani, ineqarnermut akiliut ineqarfimmi aningaasartuutinut matussusiisinnaasoq.

Ineqarnermut Attaveqarnermullu Pisortaqarfik sinnerlugu pisortaq Olafur P. Nielsen taama allappoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq