Kim Jong-ilip assingi nutaajugunartut tv-kkut takutinneqarput
Korea Avannarlermi kommunistiskiusumi kisermaassilluni naalakkersuisup Kim Jong-ilip assingi nutaajugunartut tv-kkut takutinneqarput, taama nutaarsiassaqartitsivik Ritzau allaaserinnippoq.
Allattoq Louise M. Kleemann
decembarip 01-at 2008 07:56
Assini Kim Jong-il sakkutuunik alakkaasoq peqqippaseqaaq, ukiorsiuserluni oqortunik aaqqasersimalluni seqinersiuteqarlunilu.
Kisianni assit upperineqassanersut nalunarpoq, tassami Jong-il septembarimili sakkutuut takutitsinersuannut takkutinngitsoormalli, kina nunami aqutsisuunersoq eqqoriaqattaarneqartuarpoq.
Amerikamiut Korea Kujallermiullu paasiniaasartuisa oqaatigisareerpaat, Kim Jong-il peqqiilliortoq qaratsamigullu pilatsissimasoq, tamannali Korea Avannarlermiit ilumuunnginnerarneqarpoq.
Kim Jong-il 1994-imili kisermaassilluni naalakkersuisunngormalli, kiap kingoraarumaassaneraa nalornissutaajuarsimavoq.
Jong-ilip ullumi TV-kkut takutinneqarnera oqartussat qanga assilisaasimanersoq nalunaarutiginngilaat.
