Kim Godtfredsen maraton-imi ajugaaqqippoq
Kim Godtfredsen Maniitsoq maratonimi ajugaavoq tullersortigalugu Martin Møller unammineq arfininngorneq septemberip pingajuat ingerlanneqarmat. Arnani Mette Lynge ajugaavoq maraton-imillu misileerngaartoq Juuliaaraq Nikodemussen Maniitsumeersoq tullersortaalluni.
Maraton-imi angut arfineq marluk unammeqataapput arnat marluk 42,195 meterimut arpattut.
Angutini Kim Godtfredsenip ajugaanermini atorpai 2.38,58 timer, Martin Møllerip 2.43,21 timer atorsimagai.
Kim Godtfredsen taamaasilluni Nuuk Maratonimi ajugaanerminut sanilliullugu Maniitsumi sukkaneruvoq Nuummi aggustip arfernat atoramigit 2.43,27 timer.
Mette Lynge maratonertarnermini aatsaat taama ingerlalluartigaaq atorsimallugit 3.39,05 timer Juuliaaraq Nikodemussenip 4.38,47 tiimit atorsimagai.
Linki ataaniittoq toorlugu angusat tamakkiisut aasinnaavatit.