Qeqertaaqqat Grækenlandimi Rhodosimi Unammiuaarneranni arpattartoq Kim Godtfredsen 10.000 meterimi kuultinnappoq.
Isle of Man-imeersoq normu 2-tut inissippoq, qeqertallu nutaat ilaanneersoq, tassa Ynys Mon-imeersoq normu 3-nngorluni inissippoq.
Kim Godtfredsen nuannaaqisoq ima oqarpoq:
- Ajugaanera assut nuannaarutigaara. Aamma utoqqaliarsaalernikuulluni, 41-leereernikuulluni, ajugaaniarnissamut sukataarnarnerujussuanngornikuuvoq, kisianni piareersarluarsimanera takutippaa suli pisinnaasorsuullunga, Kim Godtfredsen oqarpoq, nangillunilu:
- Aallaqqaammut kigaatsuaraararsuarmik ingerlavugut, kigaangaarattalu immitsinnut allaat illaatigisarluta pisarsimavugut Taava 5 kilometerit killikkatsigit sukkasuumik arpattoqarusunnersoq misilikkusussimavara, taamaattoqanngilarli. uanga kisimi sukkasuumik arpakkusussimavunga, taamaammat 5 kilometerimaiinngaanniit 10 kilometerit tungaannut kiserratammik arpassimavunga, Isle of Man-ermiu normu 2-nngortoq qimarratigalugu, Kim Godtfredsen oqarpoq.
Unammiuaarnerit juunip ulluisa 30-anni aallartipput ullumikkullu naammassineqassallutik.
Nunat, imaluunniit qeqertat, Unammiuaarnerni peqataatitaqartut katillugit 25-upput.