Killeqarfimmi politiit 16-it toqutaapput

OL-ip Beijingimi aallartinnissaanut ullut sisamaannanngortullu killeqarfimmi politiit 16-it Kinap avannamut kippasissortaani provinsimi Xinjiangimi ullaaq toqutaapput.
aggustip 04-at 2008 08:15

-Peqqarniisaarniarluni saassussisoqarunarpoq,

Xinjiangimi politiit pisortatigoortumik nutaarsiassaqartitsivimmut, Xinhuamut, oqarput.

Lastbilimik pinerluttut marluk politeeqarfimmut apuipput. Qaartartunik igeriuttakkanik saassussipput, killeqarfimmi politiit toquppaat suleqataallu allat 16-it ikilerlugit.

Pinerluttuugunartut kinguninngua tigusarineqarput, aappaalu saassussinermi aamma ikiligaavoq.

OL-ip aallartinnginnerani Kina-p saassunneqarataannaanera Xinjiang-imi, musliminit najugaqarfiunerusumi, immikkoornianit uighurinit arlaleriarluni sioorasaarutigineqartarpoq.

Saassussineq Nunarsuaq Tamakkerlugu Olympiade-mut Komité-mit oqaaseqarfigineqarumanngilaq,

oqarpulli Olympiade-p sapinngisamik isumannaatsumik ingerlanneqarnissaa Kinami oqartussaasut anguniarumaaraat qularinngikkitsik.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq