Killeqarfiit akimorlugit pinerlunniartarnerit akiorneqaqquaat
- Killeqarfiit akimorlugit avatangiisinut tunngasunik suleqatigiinnerup iluatsissimanera, qangali ilisimavarput. Tamannalu pinerlunniartartut akiorneqarnissaannut assersuutissaalluartutut Nunani Avannarleni Ministerrådip allattaata Halldór Ásgrimssonip isumassarsialatsiaanerarpaa.
Nunani Avannarlerni avatangiisit eriaginissaat illersornissamilu isumannaallisaanerit innuttaasut pingaartinnerpaagaat, isumasiuinermi erserpoq.
Finlandimi illoqarfiit pingaarnersaanni Helsinkimi Nunat Avannaarliit Siunnersuisoqatigiivi ataasinngorpamiit ataatsimiilerpata, nunat avannarliit nunarsuup sinneranut qanoq sunniuteqarsinnaanerat oqallisigineqassaaq; pingaartumik nunarsuarmioqatigiit aningaasarsiornikkut ajornartorsiornerat, nunanilu avannarlerni innuttaasut atugarissaarnissamik suliniuteqarnerat eqqartorneqartussanut ilaapput.
