Killavaat qallunaat inuussutissarsiortut iluanaarutiginiarpaat
Paasiniaasullu ittuata isertuutinngilaa, qallunaat suliffissuisa aningaasarsiornissaannut tamanna pissuteqarmat.
- Qallunaat suliffissuaqarnikkut unammillersinnaaneri eqqarsaatigalugit, kajungerisunik sakkortuunik siuarsaanissarput siunertaraarput, Teknologisk Institut-imi immikkoortortaqarfimmi pisortaq, Jens Christiansen, atuagassiamut Ingeniøren-imut oqarpoq.
Aatsitassat qaqutigoortut atoqqinneqarsinnaaneri, aammalumi Kalaallit Nunaata pisuussutaasa atorluarneqarsinnaaneri, siunertarineqarluni, ukiuni sisamani sivisussulisimmik, aatsitassat qaqutigoortut misissorneqassapput.
- Tamanna Killavaani aatsitassat qaqutigoortut misissugarineqarnerinik pissaaq, 2015-imimi tamaani aatsitassanik qaqutigoortunik piiaalernissaq naatsorsuutigineqarpoq, taamaasillunilu Kinamiut ulloq manna tikillugu kisiartaallutik piiaasimagaluartut unammillerneqarsinnaalerniassammata, Jens Christiansen taama oqaluttuarpoq.
- Aatsitassat qaqutigoortut tunisassiarineqarnerinut akiinullu Kinamiut piffissami sivitsulersumi kisermaassillutik aaliangiisinnaajuarsimaneri nunarsuatsinnut ajornartorsiutaavoq, kajungerisummi aatsitassat qaqutigoortuneersut assartuinermi, peqqinnissaqarfimmi, nukissiornermi attaveqatigiinnermilu pisariaqartinneqarput, Jens Christiansen atuagassiamut Ingeniørenimut taama oqaluttuarpoq.
Suliniummut atatillugu aatsitassarsiorfiutileqatigiit Tanbreez Mining Greenland Teknologisk Institutip ikiorniarpai, ilaatigut Killavaani piiaanissamut akuersissummik pissarsiniarnerannut qanillattuusseqataaniarlutik.
Taamaalilluni kujataani aatsitassat qaqutigoortut piiarluarneqarnerusalernissaat, ilaatigut kemikaliat atorlugit immikkoortitseriaatsit inerisarneqarnissaannut qallunaat ilisimatuui ikiuunnialerput, taama atuagassiaq Ingeniøren allappoq.
