Kilisaammi "Tasermiut"-ni misigisassarsiorpugut

Kilisaat Tasermiut Nuup umiarsualiviani usingiaasunit usingiarneqaleruttortoq aquttut akornanni paarlaattoqarpoq, aquttullu tamarmik kalaaliupput.

Angalanermi kingullermi naalagaq Nuka Levisen Kristoffer Heilmannimit taarserneqarpoq.

Aquttut kalaaliinnaanerat qaqutigoortutut oqaatigineqarpoq, kilisaatinimi allani aquttut nunani allaninngaanneersuugajummata.

Tasermiuni naalagaasut marluk aappaat Kristoffer Heilmann oqarpoq inuttat ataqatigiilluartorujussuusut.

Akunnerni arfinilinni suleriarlutik akunnerni arfinilinni freertoqartarpoq, sapaatillu akunnera naallugu taama sulisoqartarluni.

Angalanerit sivisussusaat assigiinneq ajorput, pisat annertussusaat apeqqutaasarmat. Ullut qulit angalasoqarsinnaasarpoq, ilaatigullu qaammat ataaseq avataaniittoqarsinnaasarluni. Sulisummi imminnut qatsuttarnerlutikt? Kristoffer Heilmann nangaarianngiivilluni ima akivoq:

- Tasermiuni inuttat nerisatik ajorineq ajorpaat, Kristoffer Heilmann aamma oqarpoq. Raajalli pillugit inuttat qanoq isumaqarsinnaanerat, igasuata Viktor Andersenip ima eqqaavaa:

- Raajarpassuarnik pisinikuuvunga, peqqumaasivitsinniitikkaluarlugillu, inuttalli raajanik qalipaajaasarnissartik eqiagisarpaat, Viktor Andersen oqarpoq.

Kilisaat Tasermiut 1988-imili atorneqalerpoq, inuttallu 23-ullutik. Nakkutilliisussat ilanngukkaanni ilaasut amerlanerulaartarput. Raajat 350 aamma 370 tonsit akornanni amerlatigisut Tasermiuniitinneqarsinnaapput.