Kiliffaaraq nassaarineqarpoq

Siberiap issittortaani tuttunik paarsisoq tupinnartumik nassaarsimasoq, tuluit nutaarsiassaqartitsivianni BBC-mi aallaaserineqarpq.

Tuttunik paarsisup narsaannarsuarmi ingerlaartilluni naaffigisimasaa tassaavoq qangarujussuaq uumasuusimasup kiliffaaqqap niaqua nunami qeriuaannartumit nuisalaartoq, kiliffaararlu qeriuaannartumiissimagami ilivitsuullunilu aserfallanneqanngivissoq oqaatigineqarpoq.

Kiliffaaraq qerrunneq 50 kilot missaanni oqimaassuseqassangatinneqarpoq ukiunillu 10.000-inik pisoqaassuseqassangatinneqarluni. Kiliffaaqqap ukiut sermersuaqarfiusut naalerneranneersuunissaa eqqoriarneqarpoq.

Kiliffassuit, nagguaatsut siuliisa qanoq ilillutik nungussimanissaat ilisimaqqissaarneqanngilaq, silaannaap allanngorneranit imaluunniit piniapilunneqarnermit nungutaasimanissaat eqqoriarneqartarluni.

Kiliffaaqqamik qerrutiinnarsimasumik nassaarneq pissutigalugu nuarsuatsinni kiliffaqaqqilersinnaavugut, tassami sananeqaatit DNA-t atorlugit uumasunik pilersitsisoqartalernikuummat.

Kiliffaraq misissoqqissaarneqassammut, Japanimi ilisimatusarfissuarmut kingusinerusukkut nassiunneqassasoq, ilisimatuut ilisimatitsipput.