Kiisortut qanillattuileraangata arferit piaraat arnaminnut isussulertartut
Arferit imminnut illersorniarlutik iliuuserisartagaat maannamut siumorneqarsimanngitsoq taamaalilluni paasineqarpoq. Functional Ecologymik taallugu allaaserinnittarfiup arfernik misissuisimaneranit pingasunngormat allaaserisat nittartakkami tassani atuarneqarsinnaapput.
- Arferit piaraat arnaminnut attaveqaraangamik allanit tusaaneqarumaneq ajorput, Simone Videsen, arfernik misissueqataasimasoq ilaatigut oqarpoq, nangillunilu:
- Imarmiut kiisortut soorlu aarluit arferit allat "oqaloqatigiinnerat" tusarnaartarpaat taamaalillugillu sumiissusersisinnaallugit piniarlugillu, Videsen oqarpoq.
Arferit oqaasii / nipaat nipitusinnaapput, arferilli piaqqat arnaallu akornanni "isussullutik" attaveqaqatigiittarnerat aatsaat paasineqarpoq. Isussuttaraluarlutilli imaanngilaq annassinnaasut.
Umiarsuimmi sanioqquttut nipitusinnaanerat pissutaalluni arferup piaqqap arnaatalu akornanni "oqaloqatigiinneq" ajornarsingajattarpaa.
/ritzau/AFP
