Kiisami angerlamut apuuppoq
Air Greenlandip timmisartua Kununnguaq 170-inik ilaasoqarluni ullumi Kangerlussuarmut tikippoq. Ilaasut ilagaat Jens Olsen Damarkimi peqqissarnermi kingorna Ilulissanut ullumi tikittoq. Nuannaarpoq upernaarpalaartumut tikikkami.
Jens Olsen Danmarkimi peqqissarnermi kingorna anigorluarlugu nunatsinnut ullumi uteram nuanaarpoq. Danmarkimit Kalaalllit Nunaannut ingerlaaramik Norgep sineriaa avannamut atuarlugu ingerlaarput, nalinginnaasumik avannarpasinnersukkut ingerlaarlutik. Jens Olsenip ingerlaarnerminni maluginiagarivaa, nuissat nalinginnaasumit qutsinnerususut immata ilaallu taarmarta eqqarsarnartoqartissimallugu, kisiannili allanut oqaatiginagu.
Danmarkimit aallanngitsoornertik siulleq uggorivaa pisattatik assartortussanngoramikkit, taamaattorlu aallarnissartik utaqqillugu Danmarkimiinnertik Jens Olsenip iluaraa, inigissaartitaagamik nerisagissaartitaallutillu. Ilulissanut tikinnertik nuannaraa upernaarpalaarmat, pilluarluni tikippoq, sivisulaartumik Danmarkimi peqqissareerluni tikikkami. Air Greenlandip timmisartua Kunuunnguaq ullumi kangerlussuarmut tikittoq nunatta avannaanut Sisimiunullu angalasunik ilaasoqarluni tikippoq.
